Adriano Galliani, CEO i Monza, foli për merkaton e skuadrës së tij, ndër të tjera duke zbuluar një anekdotë për Xavi, i cili ishte një hap larg Milanit në vitin 1998. Këto janë fjalët e ish-CEO së kuqezinjve për “Gianlucadimarzio.com”:
“Sensi është një lojtar i madh. Unë u përpoqa ta merrja Xavi në vitin 1998 në Milano, u dakordësua si marrëveshje, por më pas nëna e tij nuk e la. Tani Sensi po vjen te Monza”.
Emra të tjerë të nxehtë në radarët e Monza janë ata të Pessina, Petagna dhe Carboni: “Nëse do të flasim me Rison për Pessina? Ndoshta po. Unë do të doja absolutisht ta ktheja atë, jam i lidhur, njoh edhe familjen e tij.
Pessina lindi në Monza dhe u rrit atje, më pas e mora në Milano më 2015, pastaj u shit tek Atalanta. Do të ishte mirë të kthehej te Monza si kapiten. Petagna? E urova, pasi ka ditelindjen. Ai u rrit te Milani, le të shohim…
Për Carboni, në vend të kësaj, është bërë. Ne kemi rezervuar tashmë vizitat mjekësore”.
Nga ana tjetër, pista e Casale (Hellas Verona) më në fund është zbehur: “Për Casale kishim një marrëveshje me Veronën, kështu që u mbyll 100%. Marrëveshja ra mbrëmjen e djeshme”.
