Gakpo flet për atë se cili është pozicioni më i mirë për të në sulm?
Cody Gakpo është i vetëdijshëm për debatin në lidhje për pozitën më të mirë të tij në Liverpool, por holandezi ka thënë se ai është i lumtur kudo që luan
Holandezi u transferua në Anfield për 44 milionë funte nga PSV gjatë afatit të janarit, pas paraqitjeve impresive të Eindhoven duke bërë që vëmendja për të te rritet tek klubet e mëdha në Europë.
Liverpool lëvizi shpejt për ta arritur një marrëveshje – duke lënë pas rivalët e tyre Manchester United – dhe tani ai pas një fillimi të ngadaltë, ka arritur të shënoi dy gola në dy ndeshjet e fundit, përfshirë edhe golin e parë në derbin e Merseyside kundër Evertonit.
Derisa Gakpo duket se ka gjetur vetën në Angli, pyetjet që ende bëhen janë nëse ai është sulmues anësor apo një sulmues tipik.
“Me kanë pyetur shumë se cila është pozita ime e preferuar.
Në tre sezonet e fundit, shumicën e herave kam luajtur në të majtë, por gjatë Botërorit luajta edhe në qendër por edhe si numër 10. Mendoj që më e rëndësishmja është që luaj.
Kur luan në mes, ke më shumë mundësi për të shënuar pasi që ke më shumë topa. Kjo ndoshta nuk është në rast që luaj në të majtë, por nuk është se kam ndonjë preferencë. Jam i lumtur që luaj”, tha Gakpo për faqen zyrtare të UEFA-së.
Gakpo është duke punuar mirë me futbollist si Mohamed Salah dhe Darwin Nunez në Liverpool dhe ka thënë që ai kurrë nuk ka dyshuar kur vendosi që të kalojë të gjiganti i Premier Ligës.
“Kur dëgjova që ishte një opsion, nuk kisha ndonjë dyshim apo mendim për ndonjë gjë tjetër.
Kisha mendime të mira për të. Natyrisht, është një klub i madh, me aq sa njoh unë, dhe një ardhje këtu kishte kuptim.
Ndryshimi i klubeve në mes të sezonit është paksa më i vështirë. Normalisht, ju do të bëni një stërvitje parasezonale kur bëni një fillim të ri, por në këtë rast, ju duhet menjëherë të hyni punë dhe të përballeni me kundërshtarë të fortë”.
Ndeshja e radhës e Liverpool, që zhvillohet sot, është e madhe, me skuadrën e Jurgen Klopp që do të jenë gati për një ritakim me Real Madridin – të cilët i mposhtën ata në finalen e Ligës së Kampionëve më 2022 – në 1/8’ën e finales së Ligës së Kampionëve këtë sezon.
