Flet përfaqësuesi i disa fshatrave në Rugovë: Gjendja me zjarret, alarmante

Ka disa ditë që Rugova, përkatësisht fshati Shtupeq i Madh, është duke luftuar me zjarret.

Natën e së mërkurës situata me këto vatra zjarri ka qenë stabile por sipas Agon Nikqit, përfaqësues i disa fshatrave të Rugovës, mëngjesin e së enjtes gjendja ka dalë jashtë kontrolli.

“Gjendja në fshatin Shtupeq i Madh natën është stabilizuar pak, mirëpo në mëngjes situata është bërë alarmante. Zjarrfikësit dhe njerëzit që janë mobilizu me fikë zjarrin janë aktivizu qysh në orët e para të mëngjesit, dhashtë zoti që të bjerë shi se situata është mjaftë e rrezikshme dhe mjaft alarmante”, ka thënë Nikqi..

Ai po ashtu ka potencuar se edhe trupa të KFOR-it kanë dalë në ndihmë.

“Deri në orët e vona të mbrëmjes kanë qenë aktivë dhe kontributi i tyre ka qenë i pazëvendësueshëm”, ka shtuar Nikqi.

Situata bëhet edhe më alarmante sipas Nikqit meqë ka vende të cilat janë kapluar nga zjarri e ku nuk mund të intervenohet me mjete tokësore si cisterna e të tjera por vetëm me helikopterë.

E mbeturinat që janë hedhur nëpër pyje dhe era e fortë po kontribuon edhe më shumë që zjarret në Rugovë të dalin jashtë kontrolli.

Deri mbrëmë sipas Nikqit kanë qenë 80 hektarë që janë përfshirë nga zjarri në Rugovë.

WWW.GAZETA.MK

Ngjarja paraprake

Vlora mbulohet nga tymi, vijon përhapja e flakëve tek ish-depot e Naftës

Ngjarja e ardhëshme

Ish-trajneri paralajmëron

të fundit nga

AlbanianEnglishMacedonian