Flet mjeku nga Kosova që mori vaksinën e AstraZeneca në Kukës

Në Qendrën Rajonale të Telemjekësisë në Kukës të hënën ka filluar vaksinimi kundër Covid-19 me vaksinën e AstraZeneca.

Sipas kryeministrit Edi Rama, të gjithë mjekët nga Kosova duhet të shkojnë në Kukës për t’u vaksinuar meqë kontrata e blerjes së vaksinës nuk lejon dhurimin e saj si donacion për Kosovë. Mjeku nga Kosova Blerim Feka e kaloi kufirin të hënën për tu imunizuar kundër koronavirusit.

‘Shumë lehtë dhe afër. Më pritën përzemërsisht dhe më bën vaksinën kundër Covid-19. Jam i lumtur. I ftoj të gjithë kolegët që të shfrytëzojnë mundësinë për tu vaksinuar kundër Covid-19”, tha ai për mediat nga Kosova.

Me këtë vaksinë këto ditë në Shqipëri ka filluar imunizimi i mësimdhënësve ndërsa vetëm në Kukës janë vaksinuar mbi 40 të tillë.

Ata që morën vaksinën u siguruan nga përgjegjësit e vaksinimit se kjo dozë është nga skandinavia dhe nuk ka efekt anësor në mpiksjen e gjakut siç u raportua në disa vende europiane para pak ditësh.

Ngjarja paraprake

SHBA mund të autorizojë vaksinën AstraZeneca në prill

Ngjarja e ardhëshme

Messi barazon rekordin e legjendës Xavi: Nder i madh!

të fundit nga

AlbanianEnglishMacedonian