Fiorentina piketon Italianon për stolin

Pasi prishi kontratën me Gennaro Gattuson për shkak të mosmarrëveshjeve për merkaton, Fiorentina ka piketuar Vincenzo Italianon si emrin e duhur për t’i besuar pankinën dhe ka nisur menjëherë kontaktet.

Trajneri që bëri mjaft mirë në stolin e Spezias sezonin që lamë pas, ka shprehur gatishmërinë për t’u ulur në pankinën e Fiorentinës, por më parë duhet gjetur një marrëveshje me klubin ligur, pasi vetëm pak ditë më parë Italiano rinovoi edhe kontratën.

Specia kërkon një dëmshpërblim për të lënë të lirë trajnerin, ndërsa Fiorentina po negocion për të shmangur pjesën kesh dhe për të huazuar 2-3 futbollistë të rinj te klubi ligur, në mënyrë që të marrë Italianon në Firenze.

Negociatat mes palëve janë intensive dhe “tymi i bardhë” mund të vijë brenda fundjavës, pasi te Fiorentina nxitojnë të gjejnë sa më shpejt trajnerin, për të lëvizur më pas në merkato.

Ngjarja paraprake

Nesër hapet Pishina e Gërmisë

Ngjarja e ardhëshme

Rrëfimet e njerëzve që i mbijetuan sulmeve më brutale: Të ‘gëlltitur’ nga hipopotami, të ‘shqyer’ nga një ari polar – dhe jo vetëm kaq

të fundit nga

AlbanianEnglishMacedonian