Fillojnë hetimet për vdekjen e Diego Maradonës, ja çfarë dyshohet

Kanë filluar hetimet në Argjentinë rreth vdekjes së Diego Maradonës në të mërkurën e kësaj jave në moshën 60-vjeçare.

Sipas protokollit të lëshuar, thuhet se legjenda e futbollit kishte pësuar sulm në zemër dhe se ndihma e shpejtë që kishte arritur në vendin e ngjarjes, nuk kishte mundur ta shpëtonte.

Urdhri i hulumtimeve u kërkua nga prokurorët në rrethinën e pasur Buenos Aires, San Isidro dhe u nënshkrua nga një gjykatës vendas, sipas një deklarate të lëshuar nga zyra e prokurorit.

“Dje (e shtunë) hetimi dhe vërtetimi i provave vazhdoi me marrjen e deklaratave nga njerëzit duke përfshirë të afërmit e drejtpërdrejtë të të ndjerit”.

“Në bazë të provave të mbledhura, u konsiderua e nevojshme të bëhej një kontroll në shtëpi dhe zyrën e mjekut Leopoldo Luque (mjeku personal i Maradonës)”, thuhet në njoftim.

Zyra e prokurorit nuk dha asnjë informacion se çfarë e shtyu hetimin.

“Ata morën dosjet klinike,” ka thënë Luque për televizionin lokal pasi oficerët e kontrolluan shtëpinë dhe zyrën e tij.

“Nuk kishte asnjë gabim mjekësor”, duke shtuar Luque se ai nuk ishte përgjegjës për vdekjen e legjendës së futbollit.

Maradona kishte luftuar për vite me radhë me çështjet e abuzimit të substancave. “Unë bëra më të mirën që munda me Diegon. Ai kishte nevojë për ndihmë”, ka përfunduar Luque.

Avokati i Maradonës, Matias Moria, të enjten tha se ai do të kërkonte një hetim të plotë të rrethanave të vdekjes së legjendës së futbollit, duke kritikuar atë që ai tha se ishte një përgjigje e ngadaltë nga shërbimi i urgjencës.

Ngjarja paraprake

​Hazard nuk ia del të rikuperohet për ndeshjen kundër Shakhtarit në Ligën e Kampionëve

Ngjarja e ardhëshme

Vëllaznimi mezi fiton, Besa bindshëm! Trepça gjunjëzon Vushtrrinë

të fundit nga

AlbanianEnglishMacedonian