Skuadra shqiptare Struga Trim Lum, mburret me futbollistin e saj, Besir Iseni, i cili sot u paraqit titullar për Maqedoninë e Veriut U-21.
Iseni ishte i pafat, ku u ndëshkua me karton të kuq pas dy të verdhëve në minutën e 67-të.
Maqedonia e Veriut U-21 pësoi humbje në Beograd me rezultat 2:1 nga Serbia U-21, në kuadër të Grupit H të kualifikueseve për Kampionatin Evropian U-21.
“Besir Iseni luajti titullarë te përfaqësuesja shpresa e Maqedonisë, që sot luajti përballë Serbisë në kuadër të eliminatoreve për Europianin e vitit 2023, që do të mbahet në Rumani dhe Gjeorgji.
Iseni bëri një ndeshje mjaft të mirë, duke mbuluar krahun e majtë të mbrojtjes, por i njëjti në minutën e 67-të ishte i detyruar që të braktis fushën, pas kartonit të dytë të verdhë ndaj serbëve.
Kësisoj i njëjti humb të drejtën për tu paraqitur në ndeshjene 29 marsit në Shkup kundër Ishujve Faroe, ndeshje e vlefshme për grupin “H” eliminatorë”, shkruan në faqen e FC Struga Trim Lum.
