Mijëra banorë nga qyteti verilindor i Ukrainës, Sumy, u evakuuan me sukses pasi Rusia ra dakord të ndalonte sulmet dhe u hapën korridoret e evakuimit.
Evakuimet filluan të martën në mëngjes, me autobusë që u nisën drejt qytetit të Poltava, më në jug dhe larg vijave të frontit, shkruan BBC, përcjell “Bota sot”.
Rreth 5,000 njerëz dhe më shumë se 1,000 automjete private “janë tashmë në siguri”, tha Kyrylo Tymoshenko, nënkryetari i zyrës së Presidentit Volodymyr Zelensky.
Gratë dhe fëmijët presin që të mbërrijnë autobusët e evakuimit
Ky ishte evakuimi i parë i suksesshëm masiv, pavarësisht se Rusia shpalli disa armëpushim për të larguar njerëzit nga qytetet e bombarduara.
Një përpjekje e ngjashme për njerëzit e bllokuar në Chernihiv dështoi sepse Rusia vazhdoi të bombardonte rrugën e daljes, pretendoi Ukraina.
Automjetet e shënuara me shenjën ndërkombëtare të Kryqit të Kuq që operojnë në korridorin e evakuimit
Guvernatori rajonal i Sumy tha se korridori humanitar do të vazhdojë të punojë të mërkurën.
Ndër të evakuuarit ishin edhe civilë, disa prej të cilëve studentë të huaj
Kombet e Bashkuara vlerësojnë se më shumë se 2 milionë njerëz janë larguar nga Ukraina që nga pushtimi i Moskës më 24 shkurt./BOTASOT
