Estonia për herë të parë do të drejtohet nga një kryeministre

Dy partitë më të mëdha politike në Estoni, kanë arritur marrëveshje për të formuar qeverinë e re, e cila do të drejtohet nga një kryeministre grua për herë të parë në historinë e këtij shteti.

Këshilli
i partisë së qendrës së djathtë, Partia e Reformës dhe këshilli i Partisë së
Qendrës, kanë votuar të dielën në të mirë të bashkimit në një kabinet të
udhëhequr nga Kaja Kallas, e cila drejton edhe Partinë e Reformës.

Të dyja partitë “do të formojnë qeverinë, e cila do të vazhdojë të përballet me krizën e pandemisë, do ta çojë përpara Estoninë dhe do të zhvillojë të gjitha zonat dhe rajonet e shtetit tonë”, kanë thënë këto parti përmes një deklarate.

Qeveria
e re do të zëvendësojë kabinetin paraprak, i cili ka dështuar si pasojë e një
skandali të korrupsionit më herët gjatë këtij muaji.

Kryeministri Juri Ratas, pati dhënë dorëheqje më 13 janar, për shkak të skandalit, mirëpo ka insistuar se ai personalisht nuk ka bërë asgjë të keqe.

/Gazeta Sinjali/

Ngjarja paraprake

Komuna e Prishtinës paralajmëron gjoba për partitë që s’po respektojnë masat anti-Covid

Ngjarja e ardhëshme

Paris, rreth 150 emigrantë dhe refugjatë mbyllen në një shkollë nga i ftohti

të fundit nga

AlbanianEnglishMacedonian