Ermal Krasniqi mund të vazhdojë karrierën në Rumani.
Klubi i njohur nga ky shtet, Cluj, raportohet se ka shprehur interesim për sulmuesin e Ballkanit.
Sipas “ProSport”, Krasniqi është bërë objektiv kryesor i tetë herë kampionëve për afatin kalimtar të janarit, pasi klubi dështoi në transferimin e Amhl Pellegrinos nga Bodo/Glimt.
Mediumi rumun duke u bazuar në burime, raportoi gjithashtu se zyrtarët e klubi të Clujit kanë marrë miratimin e Krasniqit për transferim, teksa tani po zhvillohen bisedimet mes klubeve.
Cluji thuhet se synon të shfrytëzojë dëshirën e lojtarit për të kompletuar këtë lëvizje.
Krasniqi ka kontratë të vlefshme me Ballkanin deri në verën e vitit të ardhshëm, teksa Cluj shpreson që kampionët e Kosovës të mos i caktojnë ndonjë çmim të lartë.
Trajneri Dan Petrescu thuhet se e dëshironte më shumë transferimin e sulmuesit kosovar sesa Pellegrinos. Trajnerit rumun e kishte parë 24-vjeçarin edhe në Ligën e Konferencës, aty ku u takuan me Ballkanin.
Ermal Krasniqi ka shënuar 11 gola dhe 7 asistime këtë sezon në 30 paraqitje në të gjitha garat.
