EMA jep dritë jeshile për vaksinën Johnson & Johnson

Agjencia Evropiane e Barnave (EMA) ka dhënë dritë jeshile për vaksinën anti-COVID të kompanisë amerikane Johnson & Johnson për të gjithë personat nga 18 vjeç e sipër.

Komiteti i EMA-s  arriti në përfundimin se  të dhënat mbi vaksinën përmbushnin të gjitha kriteret për efikasitetin, sigurinë dhe cilësinë.

Vaksina Janssen është e katërta e autorizuar në BE për të parandaluar COVID-19 dhe deri tani e vetmja vaksinë që ka nevojë për një dozë të vetme.

Vaksina Johnson & Johnson mund të ruhet në frigoriferë normalë, gjë e cila mund të lehtësojë transportimin e saj.

Vaksina e Johnson & Johnson është 67 % efektive në parandalimin e infektimit me COVID-19.

Në fazën e 3 të provave klinike, vaksina tregoi shkallë të lartë parandaluese ndaj sëmundjeve të rënda, me një efikasitet deri në 85% dhe 57% në rastin e variantit të koronavirusit të shfaqur në Afrikën e Jugut.

Në bazë të marrëveshjeve, 200 milion doza pritet  të arrijnë në Bashkimin Evropian deri në fund të vitit 2021.

Ngjarja paraprake

Tretja E Mirë Apo E Keqe – Si Ndikon Në Peshën Tuaj Dhe Çfarë Të Bëni

Ngjarja e ardhëshme

Napoli kërkon mbi 70 milionë euro për Koulibalyn

të fundit nga

AlbanianEnglishMacedonian