Një konsorcium investitorësh udhëhequr nga Elon Musk ofruan 97.4 miliardë dollarë për blerjen e krijuesit të ChatGPT, OpenAI.
Avokati miliarder Marc Toberoff, konfirmoi se ka dërguar ofertën për blerjen e të gjitha aseteve të kompanisë teknologjike ditën e Hënë. Oferta është më e fundit në betejën ligjore mes njeriut më të pasur të botës dhe shefit ekzekutiv të OpenAI Sam Altman në lidhje me të ardhmen e startupit i cili u gjend në qendër të boom-it AI.
Në përgjigje të ofertës, Altman postoi në platformën e medias sociale X duke thënë: “Jo faleminderit, por ne mund ta blejmë Twitter për 9.74 miliardë dollarë nëse dëshiron.”
OpenAI është kredituar për sjelljen e mjeteve të inteligjencës artificiale për masat duke nisur një garë të egër në këtë sektor shoqëruar nga investime madhore.
Musk dhe Altman themeluan startupin së bashku në 2015-ën si një organizatë jofitimprurëse, por marrëdhënia mes të dy degradoi kur Tesla dhe shefi i X u larguan nga firma në 2018-ën.
Thuhet se Altman ka punuar për strukturimin e kompanisë për një entitet fitimprurëse për të cilin Musk argumenton se është një thikë pas shpine ndaj misionit fillestar të OpenAI.
Por OpenAI thotë se ky tranzicion është i nevojshëm në mënyrë që të sigurojë paratë e nevojshme për zhvillimin e modeleve më të mira të inteligjencës artificiale.
Oferta e dërguar nga Musk prej 97.4 miliardë dollarësh është më e ulët sesa vlerësimi 157 miliardë dollarësh që mori gjatë një raundi investimit në Tetor të 2024. Toberoff tha se konsorciumi do të ishte i gatshëm të ofronte aq sa ose edhe më shumë sesa ofertuesi më i lartë.
/PCWorld Albanian
BURIMI: PCWORLD.AL
