Themeluesi i Teslas, Elon Musk, ka dërguar të mërkurën në Ukrainë dërgesën e dytë të antenave të Starlink për t’ia mundësuar këtij shteti lidhjen me shërbimin e internetit në kohë lufte.
Ministri i Transformimit Dixhital i Ukrainës, Mykhailo Fedorov, ka falënderuar me këtë rast Muskin, për mbështetjen e tij.
“Pranuam dërgesën e dytë të stacioneve të Starlink. Elon Musk e mbajti fjalën. Faleminderit që po e përkrahni Ukrainën dhe paqen në të gjithë botën”, ka shkruar Fedorov në Twitter.
Këtij postimi i është përgjigjur Musk po në Twitter duke thënë se ka dërguar edhe adapterë të energjisë për vetura, bateri diellore dhe gjeneratorë për vendet që kanë mungesë të energjisë elektrike.
“Jeni te mirëpritur. Ne kemi dërguar edhe adapterë të energjisë për çakmakët e veturave, pako baterish diellore dhe gjeneratorë për vendet ku nuk ka energji elektrike.
Received the second shipment of Starlink stations! @elonmusk keeps his word! Thank you for supporting Ukraine and peace in the entire world! @OMarkarova thanks! pic.twitter.com/hNZwsXkOCT
— Mykhailo Fedorov (@FedorovMykhailo) March 9, 2022
