Dy vite nga vdekja e këngëtares Nexhmije Pagarusha

Sot mbushen dy vite nga shkuarja në amshim e këngëtares Nexhmije Pagarusha, e njohur si “Bilbili i Kosovës”.

E lindur në maj 1933 në Malishevë, Nexhmije Pagarusha kishte filluar karrierën e saj muzikore në vitin 1948 në Radio Prishtinë. Më 1984 ajo përmbylli karrierën si këngëtare.

Zëri i saj karakteristik e shndërroi në një ikonë të papërsëritshme, bazuar në dhuntitë dhe talentin e saj të pakufishëm.

Përveç këngëtare, ajo ishte edhe aktore filmi e teatri. Për vlerat e punës ajo është nderuar me çmimin “Nderi i Kombit” nga presidenca e Shqipërisë, ndërsa presidenca e Kosovës i ndau çmimin “Artiste e Merituar”.

Nexhmije Pagarusha, vdiq në moshën 86-vjeçare. Ajo la pas vetes plot pesë albume e 88 këngë, prej tyre më të njohurat “Baresha” dhe “Zambaku i Prizrenit”.

Ajo do të mbahet mend si një model referimi për brezat e rinj të artistëve, një yll i pashuar i muzikës shqiptare.

Nexhmije Pagarusha mbylli sytë përgjithmonë më 7 shkurt të vitit 2020.

GAZETA.MK

Story i mëparshëm

Kryeqyteti i Kanadasë shpall gjendjen e jashtëzakonshme si përgjigje ndaj protestave të shoferëve të kamionëve kundër kufizimeve mbi Covid-19

Story i radhës

Sot rinis gjyqi ndaj Ilir Metës

Të fundit nga