Më 24 shkurt 2022, Rusia e pushtoi Ukrainën në një përshkallëzim të madh të Luftës Ruso-Ukrainase, e cila filloi në vitin 2014, raporton The Guardian.
Sipas presidentit rus Vladimir Putin pushtimi kishte si qëllim ndërmarrjen e një “operacioni special ushtarak” që synon “çmilitarizimin” dhe “denazifikimin” e Ukrainës.
Pushtimi ka të ngjarë të ketë rezultuar në dhjetëra mijëra vdekje nga të dyja palët dhe ka shkaktuar krizën më të madhe të refugjatëve në Evropë që nga Lufta e Dytë Botërore.
Brenda më shumë se gjashtë muajve nga pushtimi, Rusia përjetoi emigracionin e saj më të madh që nga Revolucioni i Tetorit 1917.
Pushtimi ka shkaktuar gjithashtu mungesa globale të ushqimit.
Ndërkohë, zhvillimet e fundit në dhe nga Ukraina janë si në vijim:
Shpërthime janë dëgjuar në bazën ajrore ruse ‘Engels’ qindra kilometra larg vijave të frontit në Ukrainë, raportuan mediat ukrainase dhe ruse herët të hënën. Agjencia e lajmeve RBC-Ukrainë raportoi se ndodhën dy shpërthime. Gazeta ruse e lajmeve Baza, duke i cituar banorët lokalë, tha se sirenat e sulmit ajror po dëgjoheshin dhe një shpërthim u dëgjua. Baza ajrore, pranë qytetit të Saratovit, është rreth 730 km në juglindje të Moskës.
Presidenti rus Vladimir Putin ka thënë se perëndimi po përpiqet ta “shkëpusë” Rusinë dhe pretendoi se ofensiva e tij në Ukrainë synon “ta bashkojë popullin rus”. Në një intervistë të transmetuar në televizionin kombëtar, Putin tha se “kundërshtarët gjeopolitikë të Rusisë [kanë] synuar të copëtonin Rusinë, Rusinë historike … Përça dhe pushto, kjo është ajo që ata gjithmonë kanë kërkuar të arrijnë dhe ende po kërkojnë të bëjnë,” shtoi Putin. “Por qëllimi ynë është i ndryshëm: është ta bashkojmë popullin rus.”
Putin thotë se Rusia është e gatshme të negociojë me të gjitha palët e përfshira në luftën në Ukrainë, ndërkohë që akuzoi Kievin dhe aleatët e tij perëndimorë për “refuzim” për të negociuar. Kievi dhe aleatët e tij dyshojnë se pretendimet e Putinit janë një dredhi për të blerë kohë pas një sërë humbjesh dhe tërheqjesh ruse në fushënbetejë.
Këshilltari presidencial ukrainas Mykhailo Podolyak ka thënë se Putini “duhet t’i kthehet realitetit” pasi pretendimit të udhëheqësit rus se Moska është gati për negociata. Është “e qartë” se Rusia “nuk dëshiron negociata, por përpiqet ta shmangë përgjegjësinë”, shkroi Podolyak në Tëitter.
Shkalla e avancimit të forcave ruse në zonën Bakhmut të Ukrainës lindore ndoshta është ngadalësuar ditët e fundit, sipas analistëve. Në përditësimin e tij të fundit, Instituti për Studimin e Luftës (ISë) citoi një bloger ushtarak rus të thoshte se forcat ukrainase i kanë shtyrë elementë të kompanisë ruse private mercenare, grupin ëagner, në pozicionet që ata mbanin ditë më parë.
Presidenti Volodymyr Zelenskiy përdori video fjalimin e tij të fundit për të thënë se ukrainasit do ta krijonin mrekullinë e tyre të Krishtlindjes duke qëndruar të papërkulur, pavarësisht sulmeve ruse që kanë lënë miliona pa energji. Duke folur 10 muaj pas pushtimit të Rusisë, Zelenskiy tha se ndërkohë që liria ka një çmim të lartë, skllavëria do të kushtojë më shumë.
Moska zyrtare thuhet se është gati ta rifillojë furnizimin me gaz në Evropë përmes tubacionit Yamal-Europe. “Tregu evropian mbetet i rëndësishëm, pasi mungesa e gazit vazhdon dhe ne kemi çdo mundësi për t’i rifilluar furnizimet,” citoi media shtetërore ruse Tass të ketë thënë të dielën zëvendëskryeministri rus Alexander Novak.
Parlamenti rus po përgatitet ta prezantojë një normë më të lartë taksimi për njerëzit që janë larguar nga vendi, siç kanë bërë shumë që nga fillimi i luftës në Ukrainë. Disa media lokale raportuan se rreth 700,000 rusë u larguan pas njoftimit për një lëvizje mobilizimi për të ftuar trupa të reja për t’iu bashkuar luftës në Ukrainë në muajin shtator.
