Drogë, vjedhje në qendër tregtare dhe “tapë” në timon, 7 të arrestuar në Tiranë

Policia e Tiranës njofton arrestimin e 7 personave, të akuzuar për vepra të ndryshme penale.

Sipas bluve të kryeqytetit, dy të rinj janë arrestuar pasi gjatë kontrollit fizik iu është gjetur një sasi lënde narkotike, e llojit kanabis sativa.

Ndërkohë, dy të tjerë janë arrestuar në flagrancë teksa po vidhnin pranë një qendre tregtare. Ndërsa nuk mungojnë as sot arrestimet e shoferëve që përdorin mjetet në gjendje të dehur, raporton Ora News.

Njoftimi i Policisë:

Si rezultat u bë arrestimi në flagrancë i shtetasit J. Sh., 29 vjeç, pasi në rrugën “Kujtim Laro”, gjatë kontrollit të ushtruar në mjetin me të cilin ky shtetas qarkullonte u gjet dhe u sekuestrua një sasi lënde narkotike e dyshuar cannabis sativa.

Specialistët për Hetimin e Krimit në Komisariatin e Policisë Nr. 2, në bashkëpunim me Seksionin për Hetimin e Narkotikëve, bënë arrestimin në flagrancë të shtetasit E. D., 19 vjeç, pasi gjatë kontrollit fizik të ushtruar iu gjet dhe iu sekuestrua një sasi lënde narkotike e dyshuar cannabis sativa.

Nga specialistët për Hetimin e Krimit në Komisariatin e Policisë Nr. 1 u bë arrestimi në flagrancë i shtetasve A. G., 18 vjeç dhe A. L., 24 vjeç, pasi janë kapur në flagrancë duke vjedhur në një qendër tregtare.

Specialistët e Qarkullimit Rrugor bënë arrestimin në flagrancë të shtetasve:

P. N., 56 vjeç, pasi u kap në flagrancë duke drejtuar mjetin pa lejen përkatëse;

E. A., 25 vjeç dhe D. M., 55 vjeç, pasi u kapën në flagrancë duke drejtuar mjetet përkatëse në gjendje të dehur.

Ngjarja paraprake

Jep dorëheqjen sekretarja amerikane e Arsimit

Ngjarja e ardhëshme

Çfarë mendon Administrata Biden për VV-në?

të fundit nga

AlbanianEnglishMacedonian