Dështon rigjykimi në rastin e lëndimit të këmbësorit me veturë

Në mungesë të prokurores Ajshe Ferati, ka dështuar të mbahet seanca fillestare në rastin ku Blerim Kasumi po akuzohet se në vitin 2012, duke mos respektuar rregullat e komunikacionit rrugor dhe nga pakujdesia, ka goditur me veturën e tij këmbësorin, Fatlum Bunjakun, duke i shkatuar atij lëndime të rënda trupore dhe pastaj duke ikur nga vendi i ngjarjës pa i dhënë ndihmën e nevojshme të aksidentuarit.

Të pranishëm në seancë ishte i akuzuari Kasumi dhe mbrojtësi i tij Halit Sheljani.

Ndërkaq, menjëherë pas përfundimit të seancës, prokurorja Ajshe Ferati është paraqitur në seancë. Mungesa e saj u u arsyetua për shkak të një keqkuptimi për orën e saktë se kur do mbahet seanca.

Dukë marrë parasysh rrethanat, gjykatësi Ngadhnjim Arrni e ka shtyrë seancën për datën 19 nëntor.

Ndryshe, Gjykata e Apelit në Prishtinë, më 21 janar 2019, për këtë çështje, ka aprovuar ankesën e mbrojtësit të akuzuarit Blerim Kasumi, avokatit Ramiz Krasniqi, duke anuluar vendimin e Gjykatës Themelore të datës 1 tetor 2018, dhe duke e kthyer lëndën në rigjykim.

Sipas këtij aktgjykimi, Gjykata Themelore në Prishtinë, të akuzuarin Kasumi e ka shpallur fajtor duke i caktuar dënimin me burgim prej 2 vite.

Sipas aktakuzës së ngritur më 31 tetor 2012, Blerim Kasumi po akuzohet se me datë 10 shtator 2012 rreth orës 11:55, deri sa ishte duke drejtuar automjetin e tij, në rrugën magjistrale Prishtinë – Mitrovicë, duke mos i respektuar rregullat e Ligjit mbi komunikacionit rrugor, ka goditur me pjesën e përparme të anës së djathtë këmbësorin Fatlum Bunjaku.

Për këtë, Kasumi po akuzohet se ka kryer veprën penale “Rrezikim i trafikut publik” nga neni 297 par.5 të KPK-së, i cili parasheh dënimin me burgim prej gjashtë muajve deri në pesë vjet.

Më tej, sipas aktakuzës, pas goditjes me makinë të dëmtuarin Bunjaku, i akuzuari ka ikur nga vendi i ngjarjes duke mos i dhënë ndihmën e nevojshme, raporton Betimi për drejtësi.

Andaj, i akuzuari Kasumi gjithashtu akuzohet për veprën penale “Mosdhënia e ndihmës personit të lënduar në aksident” nga neni 301 par.2 të KPK-së, që parasheh dënimin me burgim prej tre muajve deri në pesë vjet.

WWW.GAZETA.MK

Ngjarja paraprake

U prezantua Fondi i Gjelbër Strategjik për nxitje të investimeve në projekte kapitale

Ngjarja e ardhëshme

Përkeqësimi i situatës së Covid në këtë shtet/ Mbyllen shkollat, dyqanet dhe restorantet

të fundit nga

AlbanianEnglishMacedonian