Deri më 30 prill nevojitet test PCR për të hyrë ne Bullgari

Qytetarët e Maqedonisë së Veriut duhet të kenë test PCR negative jo më të vjetër se 72 orë për të shkuar në Bullgari deri më 30 prill, në përjashtim të disa rasteve, si kalimi tranzit nëpër Bullgari, transmeton Portalb.mk. Rregullat vlejnë për transportin tokësor, ajror, detar dhe hekurudhor.

Ndryshe, shtetasit bullgarë mund të hyjnë në Bullgari edhe pa test PCR të 72 orëve të fundit, por duhet t’i nënshtrohen karantinës 10 ditore.

Testi i detyrueshëm PCR në 72 orët e fundit, vlen edhe për shtetasit e BE-së dhe vendeve të rajonit (Serbia, Shqipëria, Kosova, Bosnja dhe Hercegovina, Mali I Zi), njoftoi Ambasada e Shqipërisë në Sofje, duke theksuar vendet Shengen dhe shumë vende tjera jo-evropiane.

Qytetarët e këtyre vendeve kanë mundësi të kalojnë tranzit nëpër Bullgari edhe pa testin PCR, ashtu që qytetarët të garantojnë largimin e menjëhershëm nga territorit. Përveç tyre, pa test PCR mund të kalojnë edhe drejtuesit e autobusëve dhe kamionëve, ekuipazhet e avionëve dhe anijeve dhe punonjësit e kufirit.

Ngjarja paraprake

Zgjidhni një lule dhe zbuloni anën e fshehtë të personalitetit tuaj

Ngjarja e ardhëshme

Autobombë në Siri, gjashtë të vdekur

të fundit nga

AlbanianEnglishMacedonian