Deputetet ukrainase: Ushtarët rusë po përdhunojnë gra, më pas i ekzekutojnë

Deputetët ukrainas kanë akuzuar forcat ruse për përdhunimin e grave mbi 60 vjeç para se t’i varnin.

Lesia Vasylenko, një deputete e partisë opozitare të Ukrainës Holos, tha se shumë femra të moshuara kishin kryer vetëvrasje pasi ishin abuzuar seksualisht, në një përpjekje për t’i shpëtuar dhunës.

Duke folur për gazetarët në Dhomën e Komunave, Vasylenko tha se Vladimir Putin ka ndryshuar strategjinë e tij për të synuar grupet më të cenueshme të grave dhe fëmijëve.

“Shumica e grave mbi 60 vjeç u ekzekutuan pasi u përdhunuan. Problemi kryesor është se viktimat dhe familjet nuk kanë forcën për te kundërshtuar”-tha Vasylenko.

Ajo i bëri thirrje qeverisë që të sigurojë mbështetje humanitare të synuar brenda Ukrainës, në mënyrë që viktimat të mund të marrin ndihmën e duhur.

Kjo do të mundësonte gjithashtu që krimet të dokumentohen siç duhet, në mënyrë që të kenë më shumë prova kundër Putinit, në mënyrë që ai të mund të gjykohet për krime lufte në gjykatën penale ndërkombëtare në Hagë.

Grupet vulnerabël të grave thuhet se janë vënë në shënjestër rreth rrethinave të Kievit, në Bucha dhe Irpin.

Zonja Vasylenko tha: “Është një tragjedi që askush nuk ka gjetur mënyra për të ndihmuar viktimat.

Ajo foli përkrah tre deputetëve të tjerë; Alona Shkrum, Maria Mezentseva dhe Olena Khomenk që u larguan nga Kievi për të takuar Boris Johnson së bashku me sekretaren e Brendshme Priti Patel, Ministrin e Ministrisë së Jashtme James Cleverly, Sekretarin e Komuniteteve Michael Gove ministrin e Mbrojtjes James Heappey.

Deputetët, në Commons, i bënë jehonë komenteve të Presidentit të Ukrainës Volodymyr Zelensky se nuk kishte kuptim të jetosh nëse nuk mund të ndaloje humbjen e jetëve të pafajshme.

GAZETA.MK

Story i mëparshëm

Shenja e Horoskopit më të cilën nuk duhet të lidheni

Story i radhës

Arrestohet ish-kryeministri i Bullgarisë, Bojko Borisov

Të fundit nga

AlbanianMacedonianEnglish