Demostrata në Londër kundër masave anti-COVID-19, së paku 150 të arrestuar

Të paktën 150 persona u arrestuan gjatë demonstratave të mbajtura dje në Londër kundër masave të marra për frenimin e pandemisë së koronavirusit (COVID-19), transmeton Anadolu Agency (AA).

Policia e Londrës në një deklaratë theksoi se një numër masash u morën dje për të parandaluar tubimin e qytetarëve dhe për t’i inkurajuar ata të qëndrojnë në shtëpitë e tyre.

Gjatë ndërhyrjes policore u arrestuan 150 demostrues për shkak të shkeljes së masave kundër COVID-19, sulmit ndaj policisë dhe posedim të drogës, njoftoi policia britanike.

“Kjo ka qenë një ditë e vështirë për Policinë Metropolitane, policinë e Londrës dhe policinë britanike të trafikut. Arrestimet u bënë sepse protestuesit shkelën me qëllim ligjin, sulmuan zyrtarët tanë dhe ndërprenë trafikun”, tha Kryekomisari i Policisë Stuart Bell.

Anëtarët e nismës “StandUpX” kundër vaksinimit dhe masave anti-COVID-19 u mblodhën të shtunën në pjesë të ndryshme të Londrës, kurse policia ndërhyri, pasi të gjitha tubimet u ndaluan për shkak të karantinës së përgjithshme kombëtare.



. .

Ngjarja paraprake

Yuri Kim uron Shqipërinë me vargjet e Naim Frashërit: Nderojmë Ditën e Çlirimit

Ngjarja e ardhëshme

Komenti epik i Ermalit

të fundit nga

Tërmet në Tokio

Një tërmet me fuqi gjashtë ballë të shkallës Rihter goditi sonte bregdetin

AlbanianEnglishMacedonian