Dhjetëra delegatë myslimanë dhe aleatët e tyre, të zemëruar nga mbështetja e SHBA-së për ofensivën e Izraelit në Gaza, po kërkojnë ndryshime në platformën e Partisë Demokratike dhe planifikojnë të kërkojnë një embargo armësh këtë javë, duke e vënë partinë në gatishmëri për ndërprerje të mundshme gjatë fjalimeve kryesore në konventën kombëtare në Çikago, ka raportuar Reuters
Organizatorët e grupit nuk dhanë detaje, por thanë se do të ofrojnë amendamente për platformën e partisë dhe do të përdorin të drejtat e tyre si delegatë për të folur në sallën e konventës.
Delegatët pro-palestinezë thonë se meritojnë një rol më të madh në përpilimin e platformës së partisë. Konventa mbahet në Çikago, që ka popullatën më të madhe palestinezo-amerikane nga të gjitha qytetet amerikane.
Grupi kërkon të përfshijë gjuhë që mbështet zbatimin e ligjeve që ndalojnë dhënien e ndihmës ushtarake për individë ose forca të sigurisë që kryejnë shkelje të rënda të të drejtave të njeriut.
Duke e quajtur veten “Delegatë Kundër Gjenocidit”, grupi pro-palestinez thotë se do të ushtrojë të drejtat e tij për lirinë e fjalës gjatë ngjarjeve kryesore të Konventës Kombëtare Demokratike katër-ditore, që fillon të hënën për të nominuar zyrtarisht Nënpresidenten Kamala Harris për presidente në zgjedhjet e 5 nëntorit kundër ish-presidentit republikan Donald Trump.
Burimi: botasot.info
