Déjà vu i rastit të Januzajt, babai i Andi Zeqirit ndryshon fjalët dhe thotë se Andi do ta pranojë Zvicrën me entuziazëm

Babai i Andi Zeqirit, sulmuesit i cili së fundmi u transferua në Premier Ligën angleze tek Brighton është bërë kryetema e lajmeve të ditëve të fundit.

Avdi Zeqir, fillimisht në një intervistë të dhënë për ‘Koha Shtesë” në Supersport, u deklarua se djali i tij, Andi Zeqiri kishte zgjedhur Kombëtaren e Kosovës dhe se problemi qëndronte tek dokumentacioni i dërguar në FIFA.

“Kemi ende probleme me dokumentacionin dhe për momentin nuk di të them nëse do të rregullohet gjithçka për të qenë gati për muajin tetor. Gjithsesi me rëndësi është të theksojmë se Andi ka vendosur të përfaqësojë Kosovën dhe debutimi i tij vetëm sa mund të shtyhet.” – u shpreh ai në një lidhje direkte me televizionin shqiptar.

Por, Avdi Zeqiri ka ndryshuar fjalët teksa shprehet se djali i tij, Andi Zeqiri do ta pranojë me kënaqësi të madhe ftesën e selektorit Petkovic për ta përfaqësuar kombëtaren helvete.

“Fjalët e mia për pretendimet që ai ka vendosur të mbrojë ngjyrat e Kosovës janë amplifikuar dhe paska janë shtrembëruar. Çfarë është e sigurt është se Andi ka qëllim të qartë të jetojë aventurën me moshat U21 deri në fund. Dhe vetëm atëherë do ta shohim se çfarë vendimi do të marrë z. Petkovic. Më besoni, në qoftë se ai ftohet nga ekipi i Zvicrës, ai do të pranojë këtë seleksionim me lumturi dhe entuziazëm” – u shpreh ai për gazetën zvicerane “24 heures”.

Gjatë ditës së sotme, Zvicra e 21-vjeçarëve ka publikuar listën e të ftuarve për ndeshjet e tetorit dhe në të figuron edhe emri i Andi Zeqirit.

E gjithë historia duket se do të këtë një përfundim të hidhur për “Dardanët”, me një Déjà vu nga rasti i Adnan Januzajt dhe babit të tij, Abedin Januzajt, i cili pas një flirti të gjatë me Kosovën në fund zgjodhi kombëtaren belge.

Ngjarja paraprake

Revolta e botës ndaj masave antiCovid

Ngjarja e ardhëshme

Mësimi onilne,Vrenezi: 5 shkolla në Shkup të hënën në bojkot

të fundit nga

AlbanianEnglishMacedonian