Debati për shtatoren e Skënderbeut/ Neritan Ceka: Duhet përshëndetur nisma, por…

Ka shkaktuar shumë debat dy shtatoret e e heronjve kombëtar, Skënderbeut dhe Adem Jasharit, të vendosura në qytetin e Prizrenit.

Kritikët e artit, i kanë vlerësuar ata si jashtë standardeve artistike dhe kanë shkuar deri aty sa kanë akuzuar se është bërë një tjetërsim i imazhit dhe mesazhit që ata duhet të përcjellin.

Historiani i njohur Neritan Ceka, tha se duhet përshëndetur ngritja e monumenteve sepse në Shqipëri e Kosovë sipas tij ka pak monumente.

Ai theksoi se aktualisht ish-luftëtarët e UÇK-së po përballen me drejtësinë në Gjykatën e Hagës dhe ndërtimi i shtatoreve, përpos cilësisë së tyre artistike, shërben për të mbajtur gjallë emocionin dhe ndjenjën e patriotizmit në mesin e qytetarëve.

“Duhet të kishte një parathënie që ngritja e monumenteve duhet përshëndetur, kemi pak monumente. Kosova në këtë periudhë që ka pasur përballje të historisë së UÇK-së, të një koncept tjetër të luftës së UÇK-së në sytë e Evropës, është një kundërpërgjigje statuja e Adem Jasharit. Nuk është hera e parë që i shoh në hapjen e debatit. Nuk kam pasur ndonjë emocion, artistikisht nuk janë të arritura, nuk të prekin, emocionojnë. I shikoj si një përpjekje për të afirmuar një art të ri. Ka një ndikim të gjerë që nuk lidhet thjesht me formën. Pavarësisht se në monumentin e Skënderbeut ka një përpjekje që të mos e paraqitur si një komandant ushtarak. Me një dorë mban shpatën, por në të tjetrën ka një letër, që do të thotë ka qenë edhe politikan politikan”, tha Ceka.

Ngjarja paraprake

Shpërthimi masiv i vullkanit detyron me mijëra të braktisin shtëpitë

Ngjarja e ardhëshme

Çfarë ndodhë kur dëshira  del mbi besimin tuaj?

të fundit nga