COVID-19/ Greqia nuk hap kufijtë për Shqipërinë, merret vendimi i ri kufizues

Greqia ka zgjatur masat kufizuese me Shqipërinë deri më 12 tetor. Sipas ministrisë greke të Shëndetësisë, mbeten në fuqi kufizimet e lëvizjes për shtetasit shqiptarë që nuk kanë leje qëndrimi në vend ose që dëshirojnë të udhëtojnë për qëllime turistike drejtë Greqisë.

Deri në datën 12 tetor, të drejtën për te hyrë në Greqi e kanë vetëm shtetasit shqiptarë me leje qëndrimi, homogjenët grekë, shtetasit grekë dhe punonjësit sezonalë.

Për kalimin në kufi mbeten kufizimet e numrit të personave që kalojnë në Kakavijë 750 dhe Kapshticë 300 persona. Udhëtarët duhet të kenë plotësuar jo më pak se 24 orë përpara udhëtimit të tyre në vend formën PLF dhe duhet të kenë me vete test PCR negativ, jo më shumë se 72 orë më herët se udhëtimi i tyre.

Të gjithë personat që kalojnë në këto pika kufitare do të duhet të qëndrojnë karantinë për 7 ditë. Burime nga ministria greke e shëndetësisë thanë për Top Channel se ndryshe nga herët e tjera, masat kufizuese janë deri në datën 12 tetor me gjasa në pritje të forcimit të tyre, pasi në Greqi janë rritur ndjeshëm rastet e të prekurve me Covid 19, çka ka shtuar zërat për masa kufizuese shtesë me qëllim shmangien një ‘lockdown’ të dytë.

Ngjarja paraprake

COVID-19 ka ndikuar në shëndetin mental të punëtorëve shëndetësorë

Ngjarja e ardhëshme

Dy gazetarë francezë në gjendje të rëndë, pasi goditen nga një predhë në Armeni

të fundit nga