Cilësia e ajrit gjatë mbylljes u përmirësua për 50 për qind

Migjen Shala, nga Instituti Hidrometeorologjik i Kosovës, ka folur për ndikimin e faktorëve në cilësinë e ajrit.

Shala, tha se stina e dimrit ndikon në cilësinë e ajrit.

“Janë dy faktorë që ndikojnë në cilësinë e ajrit. Janë faktori njeri në periudhën e dimrit dhe kushtet klimatike janë të pafavorshme për ajrin. Dhe këta dy faktorë, sa herë që vjen puna e dimrit, e vështirësojnë gjendjen me cilësi të ajrit”.

Ai shtoi se nëse institucionet iu përmbahen standardeve, cilësia e ajrit do të përmirësohet.
“Ministria e Ambientit po i kryen obligimet e veta, konkretisht Instituti Hidrometeorologjik i Kosovës bashkë me Agjencinë për Mbrojtjen e Mjedisit, ku po bën monitorimin e cilësisë së ajrit përmes termostacioneve të cilët janë edhe në kohë reale ku mund t’i qaset informacioneve secili qytetar që do. Ne si ministri i kemi obliguar secilin institucion që t’i plotësojë standardet. Në këtë rast, p.sh. Ministria e Tregtisë që të kontrollojë cilësinë e derivateve, Ministria e Transporteve të kontrollojë shkarkimin e gazrave, si dhe termocentralet t’i respektojnë standardet me shkarkime”.

Shala, ndër të tjera, tha se mbyllja e ka përmirësuar cilësinë e ajrit për 50 për qind.

“Nëse secili institucion i kryen obligimet e veta, do të ndryshojë edhe cilësia e ajrit. Gjatë mbylljes kemi pasur për 50 përqind përmirësim të gjendjes dhe cilësisë së ajrit. Nëse do të ndodhte edhe një mbyllje, do të kishim një përmirësim të cilësisë së ajrit”, ka thënë ai për Klanin.

Ngjarja paraprake

Qytetarët e Kosovës ia panë ‘hairin’ mbylljes

Ngjarja e ardhëshme

Luftojnë kollën dhe forcojnë imunitetin, këto janë kurat natyrale që mund t’i përgatisni vet në shtëpi

të fundit nga

AlbanianEnglishMacedonian