Bujar Kapexhiu për aksionin opozitar: Partia s’është as godina dhe as logo, por…

Anëtari i Këshillit Kombëtar të PD-së, Bujar Kapexhiu ka komentuar zhvillimet e fundit në kampin opozitar, duke deklaruar se duhet të ketë protesta shumë më të fuqishme dhe goditëse.

Në një intervistë për News24, Kapexhiu tha se partia nuk është as godina dhe as logoja, por ajo që shfaqet në terren.

Teksa komentoi sulmin ndaj Berishës, ai tha se është një akt i dënueshëm dhe akt kriminal.

Pjesë nga intervista:

Është gati opozita për të ardhur në pushtet?

Kapexhiu: Shihen më në unitet se çdo herë tjetër dhe me qëllimin që besohet për të arritur pushtetin. Ka divergjenca që e bën këtë parti më të bashkuar. Nuk mendoj që një grup fare i vogël që mua më duket i çuditshëm se si kaloi në këtë anë konfliktuale. Kam parë që oferta i është bërë, ‘ejani se bashkë mund të ndryshojë’, por para 1 viti kam pyetur çdo të bëhet dhe ai më tha ‘do të ndahemi’. Ata mesa duket e kishin të vendosur që do të ndahemi dhe këtë e mbajtën të fshehtë dhe sot është evidentë që nuk duan të bashkohen, por presin vendimin e logos dhe të godinës, vulës. Ata këtë e presin , por në të vërtetë partia nuk është as godina, as logo, por në terren, ata njerëz që e mendojnë ndryshe.

Sulmi ndaj Berishës:

Kapexhiu: Më rëndoi shumë në kuptimin njerëzor. Njëri  shkon dhe qëllon një burrë të moshuar, një njeri. Vetë ky akt është i dënueshëm dhe është një akt kriminel. Por nuk  dua të them që këtë djalë e thërritën në zyrë, por erdhi si rrjedhojë e të gjitha marrëdhënieve që krijoi kryeministri, mazhoranca me opozitën. Mënyra se si flitet në parlament i japin rrugë këtyre akteve vagabondeske.

Si e shihni aksioni opozitar të deritanishëm?

Kapexhiu: Mendoj që protesta duhet të jetë dhe sa më e madhe. Pjesëmarrja në protesta tregon diçka, por kur shikoj reagimet , them se protesta duhet të jetë më e fuqishme më goditëse. Edhe unë brenda vetes time lëviz në kuptimin e forcës të karakterit të protestës. Kjo mesa duket do të varet se deri ku do të shkojë mazhoranca me këtë sjellje arrogante.

GAZETA.MK

Story i mëparshëm

Nadal: Do të kisha dashur të shihja Mbappe te Real Madrid

Story i radhës

Djemtë duhet të vishen si vajza e vajzat si djem/ Aktivitet degjenerues në një shkollë fillore në Shkup

Të fundit nga

AlbanianMacedonianEnglish