Brende të mëdha tërhiqen nga Mianmar pas grusht-shtetit

Gjigandi japonez i birrës Kirin tha se po tërhiqet nga një partneritet në Mianmar, të cilin pas një grusht-shteti po e drejton tani ushtria e vendit.

Kompania ka një ndërmarrje të përbashkët me Myanmar Economic Holdings, e cila mbikëqyret nga komandanti i përgjithshëm gjenerali Min Aung Hlaing.

Të hënën, ai udhëhoqi një grusht-shtet ushtarak, i cili kapi kontrollin e qeverisë.

Në një deklaratë të premten, Kirin tha se ishte “thellësisht i shqetësuar nga veprimet e fundit të ushtrisë në Mianmar”.

Kirin është një nga kompanitë më të mëdha të birrës në botë, që zotëron brende si Kirin dhe Tooheys, si dhe aksione në San Miguel dhe një numër birrash artizanale të krijuara në Britaninë e Madhe dhe SHBA.

Gjigandi i pijeve japoneze zotëron gjithashtu pak më shumë se gjysmën e Birrarisë Myanmar dhe Birrarisë Mandalay, në partneritet me Myanmar Economic Holdings (MEH).

“Ne vendosëm të investojmë në Mianmar në vitin 2015, duke besuar se, përmes biznesit tonë, ne mund të kontribuonim pozitivisht për njerëzit dhe ekonominë e vendit pasi ajo hyri në një periudhë të rëndësishme të demokratizimit”, tha Kirin në një deklaratë për BBC.

“Duke pasur parasysh rrethanat aktuale, ne nuk kemi asnjë mundësi tjetër veçse të ndërpresim partneritetin tonë aktual të ndërmarrjes së përbashkët me Myanmar Economic Holdings Public Company Limited … Ne do të marrim hapa urgjente për ta vënë në fuqi këtë përfundim partneriteti”, tha Kirin.

Ngjarja paraprake

​Milan dëshiron ta transferojë talentin e Ajaxit

Ngjarja e ardhëshme

"5 milionë euro për programet për të rinjtë", Këlliçi: Basha ka studiuar jashtë ndaj rinia ta votojë

të fundit nga

AlbanianEnglishMacedonian