Brenda tetë muajve të këtij viti, u raportuan 39 raste të dhunimit në Kosovë

Të shpeshta janë rastet kur raportohet për vepra penale të cilat lidhen ne sulme seksuale.

Madje shpesh herë, disa nga viktimat e dhunuara përfundojnë pa shenja jete, apo më lëndime të rënda trupore.

Vetëm gjatë periudhës janar-gusht të vitit 2020, në Policinë e Kosovës janë raportuar 39 raste të dhunimit.

Përpos kësaj, edhe dy të tjera u raportuan si tentim dhunimi.

Në një përgjigje të dhënë për lajmi.net nga policia u bë e ditur se gjatë kësaj periudhe kohore pati edhe 38 raportime për sulm seksual në lokacione të ndryshme të vendit.

“Shërbimet seksuale të viktimës së trafikimit, një raportim, degradim i integritetit seksual katër raportime, keqpërdorim i fëmijëve në pornografi, dy raportime”, thuhet në përgjigjen e Policisë së Kosovës.

Gjithashtu gjatë kësaj kohe u raportuan edhe dy raste të “Mundësimit apo detyrimit në prostitucion, një rast tjetër u raportua ku u ofruan lokale për prostitucion”.

Në periudhën kohore janar-gusht të këtij viti u raportua edhe për një rast të marrëdhënie seksuale brenda familjeve.

Ditë më parë bujë të madhe bëri një rast që ndodhi në rajonin e Drenasit.

Një 26 vjeçare ishte raportuar e zhdukur nga data 19 tetor, ndërsa u gjetë më 19 tetor në orën 11:00 në rajonin e Drenasit.

E njëjta u gjetë saktësisht në fshatin Çikatovë e Vjetër e Drenasit, nga ndihma e qytetarëve në bashkëpunim me policinë.

Por një ditë më vonë nga Policia e Kosovës rasti në fjalë u raportua si ‘Dhunim’.

“Dhunim-Me datën 25.10.2020 rreth orës 10:40 është gjetur viktima femër kosovare e cila ishte raportuar si e zhdukur. Lidhur me rastin është njoftuar prokurori, nuk raportohet për të arrestuar”, thuhet në njoftim.

Viktima E.F,  në momentin kur u gjetë u raportua të ketë qenë pa vetëdije dhe në gjendje të rëndë shëndetësore, ku më pas edhe u dërgua për tretman të mëtutjeshëm shëndetësorë.

Ngjarja paraprake

Ilaçe kontrabandë me autobus nga Italia në Vlorë, arrestohen 2 shoferët

Ngjarja e ardhëshme

Turqi, rritet në 62 numri i të vdekurve nga tërmeti, njoftoi AFAD

të fundit nga

AlbanianEnglishMacedonian