Boston mposht Golden Staten

Ekipi i Boston Celtics fitoi sot 116-100 ndaj Golden state Warriors në finalen e tretë play off, duke marrë sërish komandën e ndeshjeve, ku tashmë udhëheq 2-1 serinë.

Përballë tifozëve të saj, skuadra e Boston nuk zhgënjeu, duke bërë një ndeshje të mirë, që e udhëhoqi vazhdimisht.

Golden State u “zgjua” vonë, u përpoq të rihapë ndeshjen por e kishte të pamundur. Për miqtë u dalluan Curry me 31 pikë e Thompson me 25 pikë, por që s’mjatuan për të evituar humbjen. Boston bëri një lojë më të mirë kolektive, ku Brown realizoi 27 pikë, Tatum 26 e Smart 24 pikë.

Këtë herë, te skuadra e Golden State zhgënju stoli, që nuk ishte shumë aktiv. Edhe ndeshja e radhës do të luhet në fushën e Boston, që do të shfrytëzojë në maksimum faktorin fushë për t’iu afruar titullit kampion në NBA.

GAZETA.MK

Story i mëparshëm

Qyteti i Shkupit: Të hënën do të shpallet Thirrja publike për subvencione për kondicionerë inverter – aplikimi do të jetë online

Story i radhës

Këshillat me paraardhësit/ Bajram Begaj përfundon takimet me Moisiun, Topin dhe Meidanin

Të fundit nga