Një tjetër lojtar i talentuar bëhet pjesë e Borussias së Dortmundit, që i mbetet besnike filozofisë së investimit te lojtarët premtues. Klubi verdhezi ka zyrtarizuar blerjen e Julien Duranville Anderlechti për 9 milionë euro.
Djaloshi 16-vjeçar ka seleksionuar gjashtë ndeshje deri tani në Jupiler Pro League dhe konsiderohet një lojtar me aftësi të ngjashme me ish-anësorin e Dortmundit, Jadon Sancho.
Duranville ka nënshkruajë marrëveshje me kohëzgjatje deri në qershor 2007.
“Ne jemi shumë të kënaqur që Julien dhe familja e tij patën besim te ne dhe që tani e tutje ai do të veshë ngjyrat tona. Julien është një anësor i shpejtë, teknikisht i fortë dhe kreativ.
Tek ai shohim potencial të madh”, tha drejtori sportiv i Dortmundit, Sebastian Kehl, duke shtuar:
“Ne do të dëshironim të punonim së bashku në vitet e ardhshme për të shfrytëzuar këtë potencial dhe për të çuar përpara zhvillimin e tij.
Tashmë e kemi dëshmuar disa herë në të kaluarën me talentet e reja. Fokusi ynë kryesor tani është në integrimin e Julienit në skuadrën tonë profesionale dhe mjedisin e ri sa më shpejt të jetë e mundur dhe duke e sjellë gradualisht në nivelin e Bundesligës”.
