BIK-u merr përsipër kryerjen e shërbimeve funerale, të hënën protestojnë kompanitë funerale

Kompanitë funerale kanë paralajmëruar protestë ndaj vendimit të Komunës së Prishtinës për t’i dhënë Bashkësisë Islame leje për kryerjen e shërbimeve funerale.

Përmes një komunikatë, kërkojnë shfuqizimin e marrëveshjes, pasi thonë se BIK nuk ka të drejtë të kryejë shërbime funerale në Komunën e Prishtinës, pasi që ekzistojnë 15 kompani privat të cilat kanë të drejtë ligjore me licencë për kryerjen e këtyre shërbimeve.

Protesta është paralajmëruar të hënën nga ora 12:00.

Siç thuhet në njoftim, protestuesit do të nisen nga Morgu i Spitalit të Qytetit të Prishtinës në drejtim të objektit të Komunës së vjetër të Prishtinës, ku aty do të shfaqen kërkesat e Kompanive dhe pas përfundimit të tyre do të vazhdohet në drejtim të Bashkësisë Islame të Kosovës (tek teatri Dodona), ku aty do të parashtrohen kërkesat e kompanive private të licencuara, e pastaj do të vazhdohet tek objekti tek varrezat e Qytetit të Prishtinës, ku përsëri aty do të mbahet protesta, duke i shfaqur kërkesat e kompanive.

“Gjithashtu do të njoftohet opinioni publik, me vendimin e Gjykatës Themelore në Prishtinë, për ndalimin e kryerjes së shërbimeve funerale në Komunën e Prishtinës nga ana e Bashkësisë Islame të Prishtinës, pasi që e njëjta ka të drejtë të bëjë vetëm shërbime të faljes së kufomës e jo shërbime të tjera funerale”, thuhet tutje.

Kërkesat e kompanive funerale

Të shfuqizohet marrëveshja e arritur ndërmjet Komunës së Prishtinës dhe Bashkësisë Islame të Kosovës për kryerjen e shërbimeve funerale, pasi që Bashkësia Islame nuk ka të drejtë të kryejë shërbime funerale, pasi që në Komunën e Prishtinës ekzistojnë 15 kompani privat të cilat kanë të drejtë ligjore me licencë për kryerjen e këtyre shërbimeve.

Gjithashtu do të kërkohet nga Komuna e Prishtinës, për shfuqizimin e vendimit për dhënien në shfrytëzim të objektit tek varrezat e Qytetit të Prishtinës, për kryerjen e shërbimeve funerale për Bashkësinë Islame të Prishtinës, pasi që e njëjta është në kundërshtim me dispozitat ligjore dhe me vendimin e Gjykatës Themelore në Prishtinë.

Protesta thonë se do të jetë e qetë dhe pa ngjyrime politike, ku përgjegjësinë do të marrë organizatori i protestës.

Po ashtu theksohet se në protestë do të marrin pjesë të gjitha kompanitë licencuara private në Prishtinë për shërbimet funerale të cilat i përfaqëson, Blerim Nreci.

GAZETA.MK

Story i mëparshëm

Nano jep mesazhin e fortë: Meta e meriton të shkarkohet, por ngjarja do të ishte e paprecedentë për Shqipërinë!

Story i radhës

СДСМ: Мицкоски мисли само на себе и партијата, избори нема да има до 2024 година

Të fundit nga

Rodri parashikon finalen

Para finales së Ligës së Kampionëve kundër Interit, mesfushori i Manchester Cityt, Rodri ia besoi ndjenjat