Bekteshi: Jemi të interesuar për krijimin e gazsjellësit Petriç-Strumicë

Jemi të interesuar për krijimin e gazsjellësit Petriç-Strumicë, tha ministri i Ekonomisë i Maqedonisë së Veriut, Kreshnik Bekteshi për BNT, duke theksuar se qëllimi i Qeverisë është thellimi i bashkëpunimit me Bullgarinë dhe vendet e tjera fqinje, njoftoi korrespondenti i MIA-s nga Sofja.

Kjo, theksoi Bekteshi, vlen edhe për sektorin e energjisë, veçanërisht për diversifikimin dhe furnizimin me gaz të Maqedonisë së Veriut. Një faktor tjetër i rëndësishëm është forcimi i sigurisë së furnizimit me gaz në Maqedoninë e Veriut, sepse duhet pasur parasysh se në Shkup prodhimi i energjisë termike vjen nga furnizimi me gaz. Maqedonia e Veriut është e interesuar të lidhet në mënyrë të pavarur me terminalin e gazit natyror të lëngshëm në Aleksandropolis. Ai komentoi se Shkupi është në kontakt të vazhdueshëm me investitorët, por edhe me pjesëmarrësit në terminal, që do të thotë se është në kontakt me Bullgarinë, e cila është një nga investitorët në të.

Sipas ministrit të Ekonomisë, kjo mund të rrisë sasinë e gazit në rajonin e Ballkanit Perëndimor dhe në këtë mënyrë të ulë çmimin e benzinës, duke sjellë kështu mundësi më të mëdha si për Aleksandropolisin ashtu edhe për gazsjellësin ekzistues me Bullgarinë, si dhe për TANAP.

Sipas Bekteshit, Maqedonia e Veriut këtë vit do të fillojë ndërtimin e një interkonjeksioni me Greqinë, i cili do të përfshihet në rrjetin e operatorit lokal DESPA. Kështu, Maqedonia e Veriut është më se e interesuar për çdo mundësi që do të rrisë mundësinë e rritjes së sasive të gazit, si dhe sigurinë e furnizimit të tyre, gjë që do të ndikojë në çmimet e prodhimit, ndërsa në të ardhmen edhe te konsumatorët privatë.

“Me vendosjen e kontakteve më të mira ndërmjet kompanive turistike nga Maqedonia e Veriut dhe Bullgaria mund të arrihen rezultate më të mira. Pas periudhës së kovid-19, i rikthehemi aktiviteteve më serioze ekonomike, si krijimi i linjave të reja ajrore, si dhe investimet në infrastrukturë, si rruga eskpres për në kufi me Bullgarinë. Po punohet edhe për realizimin e hekurudhës dhe jam i bindur se këto veprime do të rrisin numrin e turistëve në të dyja anët e kufirit”, thotë Bekteshi.

Jemi drejt fundit, theksoi ai, me nënshkrimin e memorandumit të paralajmëruar për bashkëpunim në turizëm dhe presim që në prill të nënshkruhet. Një nga pikat e këtij dokumenti është që të dy vendet të marrin pjesë në panaire dhe shfaqje turistike në vendet e treta, në mënyrë që turistët e huaj të vizitojnë Maqedoninë e Veriut dhe Bullgarinë.

“Linja ajrore Sofje-Shkup mund të zgjerohet, paralajmëron Bekteshi, i cili gjatë bisedimeve të fundit me operatorët turistikë tha se duhet shfrytëzuar çdo mundësi për të lidhur Varnën dhe Ohrin dhe Tiranën, sepse, siç tha ai, mund të krijojmë produkte të përbashkëta turistike, të cilat gjithashtu do të jenë të rëndësishme për bashkëpunimin në Korridorin 8, i cili çon në zhvillimin e të gjitha vendeve përgjatë rrugës së tij.

GAZETA.MK

Story i mëparshëm

Reforma Territoriale, Spaho: I nevojshëm ndryshimi i kufijve administrativë, problemet kryesore

Story i radhës

Lugina e Sherpave

Të fundit nga

AlbanianMacedonianEnglish