Bayerni interesohet për mesfushorin e Barcelonës

Mesfushori i Barcelonës, Frenki de Jong ka hedhur një hap të rëndësishëm në formimin e tij si lojtar i madh në Europë.

Nën urdhrat e trajnerit Kuman, holandezi ka kontribuar në disa ndeshje radhazi që Barcelona të marrë rezultate pozitive. Rendimenti i tij nuk po kalon i pavëzhguar nga ekipet e tjera dhe gazeta gjermane “Bild” shkruan se mesfushori është një nga prioritetet më të mëdha të Bajernit për të forcuar skuadrën për sezonin e ardhshëm.

Duhet të kujtojmë faktin që De Jong u kërkua edhe në këtë sezon nga bavarezët, por për Barcelonën ishte i pashitshëm.

Kriza ekonomike që ka përfshirë klubin katalanas mund t’i detyrojë drejtuesit që të marrin vendime të rëndësishme për të ardhmen e të sakrifikojnë ndonjë lojtar. De Jong është favoriti për Bajernin, por në listën e dëshirave të gjermanëve janë edhe Bubakar Kamara, Kamavinga, Zakaria etj.

Ndërkohë, skuadra e Barcelonës mund ta zëvendësojë De Jongun me patriotin e tij, Xhorxhinjo Vajnaldum. Mesfushori i Liverpulit nuk e ka rinovuar ende kontratën me skuadrën angleze dhe në fundin e sezonit do të jetë futbollist i lirë.

“Nuk kam asgjë për të thënë për këtë çështje”, ishin fjalët e Klopit ditën e djeshme. Kjo do të thotë se Vajnaldum mund të largohet nga Premier Liga për t’iu bashkuar Barcelonës.

Ngjarja paraprake

Turqia lëshon urdhër për arrestimin e 27 të dyshuarve të FETO-s

Ngjarja e ardhëshme

Kafsha që u kishte sugjeruar Koreja e Veriut ta hanë qytetarët gjatë pandemisë

të fundit nga

AlbanianEnglishMacedonian