Azerbajxhani konfiskon sasi të mëdha armësh dhe makineri të forcave armene

Në kuadër të përgjigjes ndaj sulmeve në Malësinë e Karabakut, ushtria e Azerbajxhanit konfiskoi sasi të mëdha armësh, municionesh dhe makineri ushtarake nga forcat armene, transmeton Anadolu Agency (AA).

Forcat armene të dielën në mëngjes filluan sulme të reja ndaj vendbanimeve dhe pozicioneve të Azerbajxhanit ndërsa forcat azerbajxhanase u kundërpërgjigjën me sulme ndaj pozicioneve armene dhe filluan një operacion për çlirimin e rajoneve të okupuara.

Azerbajxhani konfiskon sasi të mëdha armësh dhe makineri të forcave armene

Në kuadër të përgjigjes ndaj sulmeve në Malësinë e Karabakut, ushtria e Azerbajxhanit konfiskoi sasi të mëdha armësh, municionesh dhe makineri ushtarake nga forcat armene. Forcat armene të dielën në mëngjes filluan sulme të reja ndaj vendbanimeve dhe pozicioneve të Azerbajxhanit ndërsa forcat azerbajxhanase u kundërpërgjigjën me sulme ndaj pozicioneve armene dhe filluan një operacion për çlirimin e rajoneve të okupuara. ( Resul Rehimov – Anadolu Agency )

Para sulmit ushtarak të Azerbajxhanit, forcat armene u larguan nga disa pozicione ku lanë armë dhe automjete.

Reporterët e AA-së filmuan armët dhe makinerinë e konfiskuar ndërsa në mesin e makinave ishin dhe kamionët rusë “Ural” të prodhuara në vitin 2019.

Po ashtu shumica e armatimit, municionit, bombave, raketa-hedhësve që u sekuestruan nga ushtria armene ishin të prodhimit rus.

Në video shihen gjurmët e luftimeve në kamionë si dhe armatimi i kapur.

Që nga viti 1991, ushtria armene ka pushtuar në mënyrë të paligjshme Malësinë e Karabakut, territor i njohur ndërkombëtarisht i Azerbajxhanit.

Katër rezoluta të Këshillit të Sigurimit të OKB-së dhe dy rezoluta të Asamblesë së Përgjithshme të OKB-së si dhe shumë organizata ndërkombëtare kanë bërë thirrje për tërheqjen e forcave armene pushtuese nga Malësia e Karabakut dhe shtatë rajone të tjera të okupuara azerbajxhanase.



. .

Ngjarja paraprake

Duka: Vendimi i Qeverisë për mënyrën e mësimdhënies duhet të respektohet

Ngjarja e ardhëshme

Janë regjistruar 225 raste të reja me Kovid-19, gjashtë të vdekur, 96 pacientë të shëruar

të fundit nga

AlbanianEnglishMacedonian