Azerbajxhani çliron 20 fshatra të tjerë dhe një qytezë nga pushtimi armen

Presidenti i Azerbajxhanit, Ilham Aliyev, njoftoi se 20 fshatra të tjerë dhe një qytezë janë çliruar nga pushtimi i Armenisë në vazhdën e operacioneve për çlirimin e territoreve të pushtuara, transmeton Anadolu Agency (AA).

“Ushtria heroike azerbajxhanase çliroi nga pushtimi fshatrat Mollaveli, Yukarı Refidinli dhe Aşağı Refidinli në Fuzuli; fshatrat Sirik, Şıhlar, Mestelibeyli dhe Derzili në Jabrayil. Rroftë ushtria azerbajxhanase. Karabaku është Azerbajxhan”, shkroi Aliyev në Twitter.

Aliyev po ashtu njoftoi çlirimin e fshatrave Kollukışlak, Malatkeşin, Kend Zengilan, Genlik, Velikulubeyli, Karadere, Çöpedere, Tatar, Tiri, Emirhanlı, Karkulu, Bartaz, Dellekli në Zengilan dhe qytezës Ağbend.

Me çlirimin e qytezës Ağbend, pjesët e pushtuara në kufirin Azerbajxhan-Iran janë marrë tërësisht nën kontroll, njoftoi Aliyev, duke uruar popullin azerbajxhanas dhe atë iranian.

Ndryshe, që nga fillimi i operacionit më 27 shtator në Malësinë e Karabakut, ushtria e Azerbajxhanit ka çliruar 3 qytete, 2 qyteza dhe 112 fshatra, si dhe disa lartësira strategjike nga pushtimi i Armenisë.



. .

Ngjarja paraprake

Rrënohet një objekt me rrezikshmëri të lartë dhe disa mure oborresh që ishin uzurpuar në Gjilan

Ngjarja e ardhëshme

Kur dhe ku është debati, por edhe si do të funksionojë – Trump apo Biden?

të fundit nga