Mëngjesi i zbardhi para objektit të komunës.
Pronarët e autobusëve nga Podujeva i lanë mjetet e tyre para Komunës së Prishtinës, nga mesdita e së mërkurës.
E me të njëjtat kërkesa sikurse një ditë më parë, Shoqata e Transportit të Podujevës ishin edhe gjatë së enjtes.
“Na jemi tu e lyp prej Komunës së Prishtinës veç çka na takon me ligj, na jemi të licencuar prej Ministrisë së Transportit ku i kemi stacionet rend kjo është në kundërshtim me ligjin çka ka bo kjo Komunë, nuk pajtohemi me ta. Këta nuk kanë kurrfarë vullneti me u taku me neve sepse kanë shti bërrylat edhe kanë interesa personale në linjat e reja që i kanë lëshu Tenezdollë- Kozharicë- Sharban. Pasi që aty ka miliona që fitohen çdo muaj e aty është interes i tyre për këtë arsye ata nuk duan të takohen me ne”, tha Mentor Mustafa – nënkryetar i Shoqatës së Transportit të Podujevës.
E sipas tyre, lokacioni që ka caktuar Komuna e Prishtinës nuk është i duhuri.
“Komuna e Prishtinës e ka marrë tjetër vendim pa pëlqimin edhe të Ministrisë së Transportit e pa pëlqimin edhe tonë si Shoqatë e Transportit të Llapit. Ka marr vendim për mos me ardh na në kryeqytet të Prishtinës hiç por mu ndal atje në ‘Bërnicë’ te një vendparkim aty që nuk i plotëson kushtet ai vend parking as kafshët për me i qu aty se jo udhëtarët.03:13-03:30Cka është diçka shumë më keq është se Komuna e Prishtinës e ka bërë këtë për qëllim që na qytetarët e Komunë së Podujevës me i sjell deri aty në vend parking. E nga aty qytetarët e Podujevës me zbrit me hy në autobus të qytetit me pagu edhe një kosto shtesë prej 0.80 cent”, u shpreh Sadat Kurtolli – pronari i një kompanie.
Për këta protestues, Policia e Kosovës shqiptoi edhe gjoba.
“Dje edhe sot jemi gjobit nga dy tiketa i kemi marrë.01:20-01:35
Nuk na interesoi ajo punë le të shkruajnë sa të duan gjoba na nuk ndalemi. Nuk kem na kurrfarë arsye, ose duhet me u ndal krejt me shku me punu diku tjetër e autobusin me shit në otpad ose duhet me i grah qysh u kanë, nuk kemi tjetër mundësi se jemi në humbje”, u shpreh Faik Verbovci.
Nga Komuna e Prishtinë thonë se e gjithë kjo është bërë për një qëllim.
“Vendim i tillë është marrë për me liruar trafikun për në qytet, për me i liruar rrugët e mbingarkuar në qytet sidomos rrugën “ Ilir Konushefci” dhe rrugën “ UCK” janë rrugë që të ngushta është infrastrukturë e cila është kaq sa është. Është e pamjaftueshme dhe është shumë e vështirë”, shpreht Luftar Braha – këshilltari i kryetarit të Prishtinës Përparim Rama.
Sipas tyre, ky vendim vlen për të gjithë transportuesit ndërurban e jo vetëm për ata të linjës Podujevë – Prishtinë.
Burimi: botasot.info
