schedule12:57 – 17 Shkurt, 2022
Seanca e sotme në Kuvend është shoqëruar me debate mes maxhorancës dhe opozitës me në fokus aferat e inceneratorëve.
Aparati fotografik ka fiksuar disa disa momente para nisjes, gjatë seancës plenare dhe në përfundim të saj.
Në një foto jashtë Kuvendit shihet ish-kryeministri Sali Berisha nën shoqërinë e Albana Vokshit, teksa shkëmben batuta me kreun e PDIU-së Shpëtim Idrizi në oborrin e parlamentit.
Nga ana tjetër në ambientet e brendshme të Kuvend, shihet Basha i përqendruar teksa flet me nënkryetarin Enkelejd Alibeaj.
Kryefjalë e deputetëve të opozitës në Kuvend kanë qenë inceneratorët. Gjatë fjalës së tij Basha ka folur për inceneratorët dhe ka drejtuar akuza ndaj kryeministrit Rama dhe gjithë qeverisë. Po në lidhje me këtë aferë, ish-Kryeministri Berisha është shprehur se Parlamenti dhe SPAK sipas tij po përpiqen që ta varrosin këtë çështje./
