Anijet kineze hyjnë në ujërat territoriale të Japonisë

Dy anije të qeverisë kineze sot herët në mëngjes hynë në ujërat territoriale të Japonisë pranë Ishujve Senkaku në Detin e Kinës Lindore, transmeton Anadolu Agency (AA).

Sipas transmetuesit publik japonez NHK, anijet kanë hynë në ujërat e Japonisë pranë ishullit Minami-kojima rreth orës 4 të mëngjesit sipas kohës lokale.

Njësitë e rojeve bregdetare japoneze paralajmëruan anijet kineze të largohen menjëherë, theksoi NHK.

Kjo shënon herën e 11-të në vitin 2021 që anijet zyrtare kineze kanë hyrë në ujërat territoriale të Japonisë pranë Ishujve Senkaku, theksuan burimet.

Ishujt Senkaku kontrollohen nga Japonia, por Kina po ashtu i pretendon ato.

Qeveria japoneze pohon se ishujt janë pjesë e qenësishme e territorit të Japonisë për sa i përket historisë dhe ligjit ndërkombëtar. Si e tillë, sipas Japonisë nuk ka asnjë çështje të sovranitetit që duhet të zgjidhet mbi to.



. .

Ngjarja paraprake

Specializimi lë pa mjekë ambulancat

Ngjarja e ardhëshme

Lady Gaga mezi pret të kthehet në shtëpi tek i dashuri

të fundit nga

AlbanianEnglishMacedonian