Talenti i ri Andi Ismaili, i lindur më 10 dhjetor 2008, ka debutuar në profesionalizëm me ekipin e parë të FC Shkupi, duke u bërë një nga futbollistët më të rinj që kanë luajtur në elitën e futbollit. Në moshën 16 vjeç e 82 ditë, mesfushori i ri ka lënë mbresa me paraqitjen e tij në fushën e gjelbër.
Puna, vullneti, përkushtimi dhe karakteri i tij i jashtëzakonshëm, si brenda ashtu edhe jashtë fushës, e bëjnë atë një lojtar të kompletuar. Edhe pse vetëm 16 vjeç, ai shfaq profesionalizëm të lartë, disiplinë taktike dhe fleksibilitet mesfushor, duke kontribuar si në aspektin ofanziv ashtu edhe në atë defanziv.
Burime jozyrtare raportojnë se disa klube të mëdha evropiane nga Kroacia, Turqia dhe Greqia kanë shprehur interes për talentin e ri nga Çairi, i cilësuar si një “perlë” e futbollit. Me këtë ritëm zhvillimi, Ismaili pritet të jetë një nga emrat më premtues të futbollit shqiptar në vitet në vijim.
