Spekulimet ishin të vërteta ndërsa AMD prezantoi Radeon RX 9070 dhe 9070 XT në CES 2025 fuqizuar nga arkitektura e re RDNA 4 me fokus në inteligjencën artificiale të FSR (Fidelity Super Resolution.)
Gamerat të cilët po prisnin më shumë detaje do të mbeten të zhgënjyer. Madje Radeon 9070 u përmend më shumë për të ngacmuar audiencën dhe jo në formë zyrtare.
Prej vitesh AMD ka konkurruar me Nvidia dhe teknologjinë e saj DLSS duke përdorur bërthamat grafiket dhe jo përdorur një harduer të dedikuar AI. Por nuk do të vazhdojë më kështu.
AMD thotë se RDNA 4 është ndërtuar bazuar në procesin prodhues 4-nanometër të TSMC për të fuqizuar performancën AI.
Gjenerata e ardhshme e kartave grafike do të përfitojë edhe nga një arkitekturë ray-tracing e përditësuar së bashku me përmirësime të mëdha në performancën e enkodimit dhe dekodimit të AMD Radiance Display Engine.
Fuqizimi i AI në RDNA 4 dhe Radeon RX 9070 do të mbështet edhe nga një funksionalitet i ri softueri quajtur FidelityFX Super Resolution 4. AMD tha për mediat se FSR 4 do të aplikojë përmirësim të imazhit me machine learning dhe është zhvilluar specifikisht për akseleratorët e rinj AI të RDNA 4.
Kompania tregoi sesi funksionon në Call of Duty: Black Ops 6. Sipas AMD gamerat duhet të presin rritje dramatike të performancës dhe cilësisë krahasuar me versionet e kaluara të FSR.
AMD mbylli prezantimin duke zbuluar partnerët që do të prodhojnë kartat e saj grafike Radeon RX 9070 kur të debutojnë. Janë ato brende që i kemi parë prej vitesh, por me një mungesë të pazakontë: MSI.
/PCWorld Albanian
Burimi: pcworld.al
