Ambasadori gjerman duhet të tregojë pse Richard von Weizsäcker, president i Gjermanisë Perëndimore (1984-1994), ndonëse ushtar i Hitlerit gjatë L2B nuk ishte nazist. E njëjta vlen edhe për Xhafer Devën. Nuk janë të gjithë shqiptarët njerëz që hanë sapunin për djathë.
Xhafer Deva nuk ka qenë nacional-socialist. Deva ka qenë patriot shqiptar me dritë-hije si çdo njeri, por dritë-hijet e çdo personaliteti përcaktohen nga profesionistët.
Xhafer Deva është demonizuar nga totalitarizmi për mbi 60 vite, prandaj shqiptarit nga Mitrovica, i cili ka krijuar brazdë të madhe në fushën e raporteve të mira Amerikë-shqiptarë, duhet t’i heqet anatema e padrejtë e vendosur mbi të nga kundërshtarët dhe armiqtë.
Veprat, dokumentet dhe faktet duhet të jenë të vetmit gjykatës që përcaktojnë rolin e dikujt në histori.
