Ish hendbollistja (ish portierja), Jasemine Ahmeti, aktualisht anëtare e KHF Ferizaj,shpreson që pranvera do të jetë edhe më e mirë për hendbollin femëror.
Ahmeti mendon se ka brumë të mirë në disa klube, me një punë me të mirë dhe investime, do të arrihet një nivel edhe më i mirë.
“Me një punë më të madhe nëpër klube, me disa përforcime secili klub që synon titulli, do të bënte një kampionat më atraktiv.
Presim një pranverë më të mirë në hendbollin e Kosovës tek femrat.
Shpresoj të dalin në sipërfaqe edhe lojtare të reja e të talentuar, që do të janë bazë e mirë për hendbollin në përgjithësi.
Presim një garë më të ashpër për vend të parë në pranverë, sidomos në garat përfundimtare”, tha Ahmeti për gazetën kombëtare “Bota sot”.