Adresa e panjohur: Prej kujt fshihet Aleksandar Vuçiqi?

Gazeta beogradase “Danas” nuk ia ka dalë të zbulojë se ku jeton, Aleksandar Vuçiq, sepse shërbimi për komunikim me media i  kryetarit të Serbisë nuk i ka dhënë ndonjë përgjigje për këtë temë.

Gjithashtu, shkruan gazeta, mbetet e panjohur nëse presidenti dhe familja e tij përdorin Villën Bokelka për banim, siç pretendojnë jozyrtarisht disa bashkëbisedues nga qarqet diplomatike, apo nëse ai objekt shtetëror i shërben kreut të shtetit vetëm për pritjen dhe qëndrimin e mysafirëve të huaj të rangut të lartë.

Arsyeja për të bërë pyetje në kabinetin e Vuçiqit ishin deklaratat e shpeshta se kryeministrja Ana Brnabiq së shpejti do të zhvendoset me familjen e saj në Villën Bor në Dedinje, ku dikur jetonte e veja e presidentit të përjetshëm të RSFJ-së Josip Broz Tito, Jovanka Broz.

Spekulimet se Villa e mrekullueshme Bokelka, në Rrugën Tolstojeva në Dedinje, është vendbanimi më i shpeshtë i presidentit të shtetit, u “nxehën” gjithashtu muajin e kaluar.

Atëherë, mbështetësit e Partisë Progresive Serbe të tubuar “spontanisht”, në mënyrë solemne përcollën Aleksandar Vuçiqin në rrugë për në Forumin e Bledit, në Uashington dhe Bruksel pranë “Topçiderska zvezda”, nga ku shkohet në “Bokelka”.

Në atë ndërtesë, Vuçiç shpesh organizon darka pune për nder të burrave të shtetit nga e gjithë bota, si kancelaren gjermane Angela Merkel, kryeministrin bullgar Bojko Borisov, dhe midis të ftuarve në vitet e mëparshme ishin edhe ish-kryeministri gGrek Alexis Tsipras dhe David McAllister, ndërsa ishte raportues i Parlamentit Evropian për Serbinë.

Pretendohet gjithashtu se presidenti i Serbisë priti Alex Sorosin, djalin e presidentit të Fondacionit George Soros për Shoqërinë e Hapur.

Udhëheqja shtetërore e Serbisë shpesh mblidhet në vilën e përmendur, duke diskutuar, ndër të tjera, temën e Kosovës.

Sipas të dhënave në dispozicion, Villa Bokelka është ndërtuar në vitin 1936 dhe ishte në pronësi të Princit Tomislav Karagjorgjeviq, derisa u shtetëzua pas Luftës së Dytë Botërore. Vëtëm vila ka rreth 1,700 metra katrorë, përfshirë 14 dhoma dhe disa salla pritjeje. Ndërtesa është e rrethuar nga një kopsht i gjerë, duke përfshirë një lëndinë, dhe ka një pishinë në oborr.

Vitin e kaluar, Rrjeti Ballkanik i Kërkimeve (BIRN) njoftoi se shteti prokuroi disa qindra copë takëme, mbulesa tavoline, peceta dhe “inventar të vogël” të tjerë për nevojat e dy vilave “Bokelka” dhe “Mir”, si dhe për Klubin e Deputetëve dhe ndërtesën e Qeverisë në Rrugën Nemanjina në vlerën e pak më shumë se 95,000 euro.

Sipas kartelës së pronës së presidentit të Serbisë, ai është pronar i një apartamenti 30 metra katrorë në vendbanimin e Belleville, në Beogradin e Ri, të cilin e bleu në prill 2014 për 39,000 euro.

Pranë studios së përmendur, ekziston një apartament prej 104 metra katrorë, në pronësi të gruas së Vuçiq Tamara, blerë në vitin 2013. Tregu vlerëson se apartamenti dhe garazhi vlen rreth 196,000 euro sot.

Vuçiç i tha KRIK-ut se studioja e tij dhe banesa e gruas së tij janë “pasuri të patundshme të ndara, nuk ka asnjë lidhje me statusin martesor”.

Dihet gjithashtu se Vuçiç, në vitin 1998, ndërsa ishte ministër i informacionit në qeverinë e Mirko Marjanoviqit, mori nga shteti një apartament prej 118 metrash katrorë në Qendrën e Biznesit Yu, gjithashtu në Beogradin e Ri.

Ai më vonë deklaroi se pasi Partia Radikale Serbe hyri në opozitë, ai shlyente apartamentin, me ndihmën e familjes së tij, por edhe udhëheqësit të atëhershëm të partisë Vojislav Sheshel.

Në dhjetor 2013, ai ia dhuroi pronën e përmendur gruas së tij të atëhershme Ksenija.

Pasuria e patundshme më e madhe në pronësi të familjes së presidentit (babai i tij) është një shtëpi 209 metra katrorë në lagjen Beograd të Jajinci.

Vuçiq ndonjëherë sjell mysafirë të rëndësishëm nga jashtë dhe ua tregon bodrumin e verës. Ai gjithashtu priti kryeministrin Ana Brnabiq në pemishten e babait të tij edhe këtë verë.

I pyetur për të komentuar mbi faktin se publiku nuk e di se ku jeton presidenti aktual, Bojan Pajtiq, ish-president i Partisë Demokratike të Serbisë dhe doktor i drejtësisë, i tha Danas-it: “Një president që ndërton shtetin e së drejtës dhe një shoqëri demokratike, i cili nuk është i rrethuar nga mafiozët dhe nuk është në krye të një oktapodi të korruptuar – nuk ka asnjë arsye për t’u fshehur nga qytetarët e tij. Një president që nuk shkatërron njerëzit, i cili ruan unitetin e shtetit, i cili nuk fyen disidentët – nuk ndjen nevojën për t’u zvarritur në skuta të fshehura “.

– Presidenti aktual i Serbisë po sillet saktësisht e kundërta. Ndonjëherë, duke vëzhguar atë dhe rrethinat e tij, krijohet përshtypja se Serbia drejtohet nga Alibaba dhe 40 banditë, dhe për të tillë ekziston një shpellë e fshehur – një mjedis natyror, beson Pajtiq.

Ngjarja paraprake

PlexusVR: Pasioni për teknologjinë që ndërtoi lojën e parë Shqiptare të realitetit virtual certifikuar nga Oculus

Ngjarja e ardhëshme

Pavarësia dhe tërësia teritoriale e Kosovës janë të pa negociushme

të fundit nga

AlbanianEnglishMacedonian