Tirana ka qenë e përmbajtur në reagimet e saj pas ndeshjes së djeshme ndaj Bylisit, të paktën protagonistët kryesorë të klubit bardheblu. Por vajza e presidenti Halili, Goldi, nuk ka rezistuar pa ironizuar me situatën e krijuar dhe me protagonistin e ndeshjes, gjyqtarin Kridens Meta.
Në një postim në rrjetet sociale, ajo ka vendosur fotografinë e “Mr. Clean”, personazhin e një produkti të njohur për pastrimin dhe higjenën, i cili ngjan me Kridens Meten, për faktin se është tullac.
“Mr. Clean, a je me të vërtetë ti?”, shkruhej në postimin në gjuhën angleze të vajzës së presidentit Halili.
Një tallje, por edhe një mesazh për Metën, i cili në dy dekadat e fundit ka qenë shpesh një figurë kontroverse në futbollin shqiptar, duke qenë jo rrallë protagonist në ndeshje e episode problematike.
