194 lekë për litër, nafta në Shqipëri sa në Zvicër

Çmimi i naftës në Shqipëri është rritur sërish, teksa drejtuesit e automjeteve e kanë paguar sot 194 lekë për litër. Kaq e pagoi karburantin në fillim të shkurtit edhe një zviceran, i cili paguhet mesatarisht 16 herë më shumë se një shqiptar.

Për qytetarët ky çmim është i papërballueshëm.

“Shumë shtrenjtë nuk përballohet, s’kemi ku shkojmë pa mjet, edhe rroga s’del për karburant jo më për fëmijët që presin bukë. 200 lekë litri i naftës është shumë”, thotë një qytetar

Në Shqipëri qarkullojnë mbi 700.000 automjete, nga të cilat 74% punojnë me naftë.

Rritjen e çmimit të naftës prej disa muajsh, ministrja e Financave Delina Ibrahimi e argumentoi me rritjen e çmimit në bursat ndërkombëtare.

Në përfundim të mbledhjes së qeverisë, Ibrahimi theksoi se qeveria nuk mund të ndërhyjë në çmime, por po monitoron situatën për të parashikuar ndërhyrje që mund të bëhen, pa specifikuar cilat mund të jenë ato.

Ministrja e Financave tha se çmimi i naftës pritet të ulet në gjysmën e dytë të këtij viti.

GAZETA.MK

Story i mëparshëm

Më 13 shkurt zhvillohet turneu tradicional ndërkombëtar të boksit “Pavarësia”

Story i radhës

Këto vende do të mbesin pa rrymë

Të fundit nga

AlbanianMacedonianEnglish