Најмалку 32.000 евра од градската каса пренаменети за храна за социјално загрозени граѓани

Средствата од договорот склучен со три угостителски субјекти од страна на претходното градско раководство, во вредност од околу 32 илјади евра ќе бидат пренаменети за бесплатни оброци за граѓани од социјално загрозени категории преку „Ретвитни оброк“ и Црвениот крст на Скопје.

„Ова ќе биде практика на градот секоја година. Наместо угостителски услуги како непродуктивен трошок, ќе се користат овие средства за социјално загрозени граѓани. Оваа инцијатива за пренамена на средствата за оброци за социјално загрозени лица е еден од чекорите на Град Скопје за поактивна вклученост на градот во подобрување на квалитетот на животот на социјално ранливите категории, особено кога наши сограѓани се соочуваат со егзистенцијални проблеми во време на економска и енергетска криза“, истакна градоначалничката на Скопје, Данела Арсовска.

Таа ги повикува и останатите градоначалници да се приклучат на оваа иницијатива и сите средства за репрезентации или предвидени непродуктивни трошоци да се пренаменат за општествено одговорни активности со кои ќе се помогне во зајакнување на поддршката и грижа таму каде е најпотребно, со што дополнително ќе се помогне иницијативата на „Ретвитни оброк“ да се прошири на национално ниво.

skopjeinfo.mk

Story i mëparshëm

Rama: Vijon pastrimi dhe shpërndarja e kripës në rrugët e mbuluara me dëborë

Story i radhës

ВИДЕО | Достоинство во понеделник ќе достави иницијатива до Владата за четворица бранители од 2001 година

Të fundit nga