Советот на Општина Дебар на петтата редовна седница за нов командир на Полициската станица од општа надлежнист, го утврди Дритан Бакали, вработен во дебарското одделение за внатрешни работи.
Пред членовите на Советот имаше три предлози доставени од министерот за внатрешни работи, Оливер Спасовски, а подршката за Бакали беше едногласна.
Според вообичаената процедура предлогот ќе биде доставен до министерот, кој само формално треба да достави решение за именување.
Дритан Бакали роден е во Дебар 1972 година, тој е дипломиран правник а во Министерството за внатрешни работи е од 2007 година. Моментно тој е на позицијата инспектор за пограничен криминал.
Доаѓа на местото на Аргетим Војника кој во јуни минатата година беше именуван за началник на ОВР-Дебар, кое со својата активност ги покрива оваа и соседната општина, Центар Жупа.
