​Trajneri i Austrisë mesazh Italisë: Mbase po vjen koha që të pësoni edhe ju humbje

Italia kundër Austrisë do të jetë ndeshja e parë e fazës së eliminimit direkt të Kampionatit Evropian Euro 2020.

Italia kryesoi grupin A me tri fitore, ndërsa Austria përfundoi e dyta pas Hollandës me gjashtë pikë pas tri ndeshjeve

Italia nuk ka humbur në 30 ndeshjet e tyre të fundit, por trajneri i Austrisë, Franco Foda shpreson që ecuria e trajnerit Roberto Mancini si i pamposhtur mund të përfundojë fundjavën e ardhshme.“Në këtë fazë të turneut, nuk ka kundërshtarë të lehtë. Ne e dimë atë. Italia nuk ka humbur për një kohë shumë të gjatë, por ndoshta po vjen koha kur ata do të humbasin përsëri, ”tha trajneri gjerman për “Euro2020.com”.

“Do të jetë e rëndësishme për ne që të përgatitemi me fokus të madh, t’i rikuperojmë energjitë dhe atëherë ne do të bëjmë gjithçka që mundemi për të fituar në Londër. Do të jetë e vështirë, por ekipi është i etur dhe i gatshëm ”, theksoi ai.

Edhe kapiteni i Austrisë David Alaba mendon njësoj si trajneri i tij dhe llogarit se. gjithçka është e mundur në futboll.

“Po ndihemi shumë mirë. Ne jemi vërtet të lumtur që e arritëm këtu sot. Ky ishte qëllimi ynë kryesor dhe ne jemi të kënaqur që e kemi arritur atë, ”tha ai për “ARD”.

“Ne të gjithë kemi parë se si luajti Italia në fazën e grupeve. Por ne jemi këtu për të ëndërruar dhe besoj se gjithçka është e mundur në futboll ”, shtoi Alaba.

Austria nuk e ka mposhtur Italinë që nga viti 1960 duke humbur dhjetë nga 13 takimet e tyre të fundit.

Ngjarja paraprake

​Lojërat Olimpike do të zhvillohen me tifozë

Ngjarja e ardhëshme

Rreziku i Fshehur Tek Ushqimet E Detit – Kujdesi që Duhet të Tregoni Këtë Verë

të fundit nga

Tirana barazon

Tirana dhe Egnatia u ndanë në barazim 2-2 në miqësoren e zhvilluar

AlbanianEnglishMacedonian