​Italia konfirmon 423 vdekje nga COVID-19 dhe 24.935 raste të reja

Italia raportoi sot 423 vdekje të lidhura me koronavirusin, ndërsa numri i përditshëm i infeksioneve të reja u rrit në 24.935 nga 23.059 një ditë më parë.

Rreth 353.737 teste për COVID-19 u kryen në 24 orët e fundit, krahasuar me një 369.084 të mëparshme, njofton Ministria e Shëndetësisë.

Italia ka regjistruar 103.855 vdekje të lidhura me COVID-19 që kur shpërthimi i saj u shfaq në shkurt të vitit të kaluar, numri i dytë më i lartë në Evropë pas Britanisë dhe i shtati më i lartë në botë. Vendi ka raportuar 3.3 milionë raste deri më tani.

Numri i pacientëve me COVID-19 në spitale, duke mos përfshirë ata në kujdesin intensiv, sot ishte 26.694, ndërsa dje ky numër ishte pak më i ulët – 26.517.

Kishte 249 pranime të reja në njësitë e kujdesit intensiv, krahasuar me 324 të mërkurën. Numri i përgjithshëm i pacientëve me kujdes intensiv u rrit në 3.333 nga 3.317.

Kur vala e dytë e epidemisë në Itali po përshpejtohej në gjysmën e parë të nëntorit, pranimet në spitale po rriteshin me rreth 1.000 në ditë, ndërsa shtrimet në kujdesin intensiv po rriten me rreth 100 në ditë.

Ngjarja paraprake

Kryediplomati turk dhe ai francez diskutojnë çështjet e BE-së

Ngjarja e ardhëshme

Organizoi dasmë me 110 mysafirë, arrestohet 35-vjeçari nga Tetova

të fundit nga

AlbanianEnglishMacedonian