​Asnjë rast i ri me COVID-19 në Australi, për herë të parë pas pesë muajve

Për herë të parë që
nga qershori, Australia sot nuk ka raportuar asnjë rast të ri me koronavirus,
transmeton Gazeta Sinjali.

Ministri Federal i Shëndetësisë, Greg Hunt njoftoi se për herë të parë në
vend, që nga 9 qershori, nuk është regjistruar asnjë rast me COVID-19, sipas
rezultateve të testeve në 24 orët e fundit nga shtetet dhe rajonet e vendit.

“Sot kemi zero raste të infektimit në komunitet në gjithë Australinë.
Faleminderit shërbimit tonë të mrekullueshëm shëndetësor, punonjësve tanë të
shëndetit publik dhe, mbi të gjitha, popullit të Australisë”, postoi Hunt në
llogarinë e tij në Twitter, duke lavdëruar luftën kundër virusit në vendin e
tij.

Në fund të muajit mars, Australia kishte mbyllur kufijtë për shtetasit e
huaj, përveç atyre me leje të përhershme banimi.

Vendi deri më tani ka regjistruar 907 të vdekur si pasojë e COVID-19.

Që nga shfaqja e rastit të parë më 25 janar, në Australi janë infektuar
gjithsej 27 mijë e 596 persona deri më tani, kurse 25 mijë e 98 janë shëruar.

Në vend aktualisht janë 198 raste aktive, prej të cilëve 17 po trajtohen në spitale. /Gazeta Sinjali/

Ngjarja paraprake

Turqi, rritet në 62 numri i të vdekurve nga tërmeti, njoftoi AFAD

Ngjarja e ardhëshme

Ronaldo rikthehet me dy gola, Juve bindshëm

të fundit nga